Քաղաքակրթական ներուժը կեցության բարձրագույն արժեք է:

Վ. Բելդիյան.«Եվ պետք չէր հարված ստանալուց հետո պատասխանել մյուս այտը դեմ տալով»

11.30.2020


Այսօր, նոյեմբերի 30-ին Մոսկվայի Վախթանգովի անվան թատրոնի Նոր բեմում կներկայացնեն «Լեգենդ կաղոտիկի մասին» նոր ներկայացումը, որի համար գրական հիմք են ծառայել հին իսլանդական ասքերը: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Վախթանգովցիներն այս նոր ներկայացմամբ մեկնարկ են տալիս «Թատերական զուգահեռներ: Ճանապարհորդություն չորս մասով» խորագիրն ստացած իրենց նոր նախագծին, որը կյանքի է կոչվել թատրոնի գեղարվեստական ղեկավար Ռիմաս Տումինասի արվեստանոցի չորս շրջանավարտների կողմից:

«Լեգենդ կաղոտիկի մասին» ներկայացումը ռեժիսոր Վլադիմիր Բելդիյանը բեմադրել է ըստ նորվեգացի գրող Բյորնսոն Բյորնսթեռնի «Հուլդա կաղոտիկը» պիեսի, որի գործողությունները ծավալվում են հին վիկինգների ժամանակներում:
Նորվեգիայի պատմության այդ ժամանակներում միմյանց դեմ մարտնչում էին ջուրն ու կրակը, քարերն ու քամին, կիրքն ու գթասրտությունը, քրիստոնեությունն ու հեթանոսությունը: Իսկ այդ գոյամարտի հիմքում մարդն է:

«Հյուսիսի հեթանոսական ժառանգությունը դրամատուրգ և իսկական նորվեգացի, այն հողի ժառանգ, որի տերերը մի ժամանակ վիկինգներն էին, Նորվեգիայի հիմնի հեղինակ Բյորնսոն Բյորնսթեռնի համար չի եղել դատարկ հնչյուն: Ամեն ինչ կարող էր այլ կերպ լինել, քան կա հիմա... Եվ պետք չէր հարված ստանալուց հետո պատասխանել մյուս այտը դեմ տալով»,- նշել է այսօրվա ներկայացման պրեմիերայի ռեժիսորը:

Ասենք, որ «Թատերական զուգահեռներ: Ճանապարհորդություն չորս մասով» նախագծի ռեժիսորական խմբի անդամները (Վլադիմիր Բելդիյանը, Հուգո Էրիքսենը, Գուլնազ Բալպեիսովան, Անատոլի Շուլաևը)Վախթանգովի անվան թատրոնում իրենց դեբյուտները կատարել են 2016թ.-ին, իսկ 2018թ.-ին նրանք համատեղ թողարկել են «Ստեֆան Ցվեյգ: Նովելներ» բեմադրությունը և այսօր ընդունել են վարպետի առաջարկությունը՝ թատրոնի 100-րդ թատերաշրջանում կրկին հանդես գալ ընդհանուր նախագծով, որի շրջանակներում հաջոդրաբար կներկայացվեն նաև Օսկար Ուայլդի «Սալոմե», Լոպե դե Վեգայի «Հիմարիկ» և Գեորգ Բյուխների «Վոյցեկ» ստեղծագործություններով պատրաստված նոր բեմադրությունները:




Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 913 անգամ