Քաղաքակրթական ներուժը կեցության բարձրագույն արժեք է:

100֊րդ թատերաշրջանը նշվում է նաև աուդիոներկայացում֊ ճանապարհորդությամբ

05.25.2021

Այսօր, մայիսի 25֊ին, Մոսկվայի Վախթանգովի անվան պետական ակադեմիական թատրոնն իր հոբելյանական ՝ 100֊րդ թատերաշրջանի շրջանականերում կազմակերպել է «Վախթանգով; Ճանապարհ դեպի Տուրանդոտ» աուդիոներկայացում֊ ճանապարհորդության շնորհանդեսը։ Այդ մասին տեղեկացնում է «taglur.am»֊ը՝ հղում անելով «ՏԱՍՍ»֊ին։

Թատրոնում նշել են, որ ավարտելով հոբելյանական թատերաշրջանը, սա նվեր է հանդիսատեսների համար, սա նաև դիտարկվում է որպես խոնարհում հիմնադրի հիշատակի առջև։

Ասենք, որ իրենց այս յուրահատուկ հոբելյանը թատրոնի կոլեկտիվը նախատեսում է նշել 2021թ․֊ի նոյեմբերի 13֊ին։

Իսկ այսօր «Վախթանգով; Ճանապարհ դեպի Տուրանդոտ» ներկայացումը, Ռուսաստանի Մեծ թատրոնի մերձակա հրապարակից մեկնարկելով, երկժամյա ճանապարհորդությամբ կշրջագայի Ռուսաստանի մայրաքաղաքի վախթանգովյան այն վայրերով, որոնք իրենց մեջ պահում են հայ մեծ թատերական գործչի և ռուսական մշակույթի բազմաթիվ ներկայացուցիչների հետ հանդիպումների ու զրույցների հուշերը։

Աուդիոներկայացում֊ ճամփորդության ուղեկցողների դերում հանդես են գալիս գրեթե բոլոր վախթանգովցիները, որոնց խոսքը հանդիսատեսի համար կբացահայտի այն անտեսանելի ազդեցությունները, որոնք ի վերջո սինթեզվելով Վախթանգով֊ռեժիսորի հոգու, սրտի ու մտքի «լաբորատորիայում» ձևավորեցին նրա նշանավոր ներկայացումը՝ «Արքայադուստր Տուրանդոտ» բեմական հրաշքը։

Ասենք, որ ներկայացում֊ճամփորդության ռեժիսորն է թատրոնի գեղարվեստական ղեկավար Ռիմաս Տումինասի արվեստանոցի շրջանավարտ Վլադիմիր Բելդիյանը, որն արդեն հասցրել է այս թատրոնում իրականացնել մի շարք հետաքրքրական բեմադրություններ։

«Վախթանգովը ներկա է մեր թատրոնում, նա մեր հետ է, ես դա զգում եմ։ Մեր թատրոնը կանգնած է շատ հաստատուն հիմքի վրա։ Դա սերն է հայր֊հիմնադրի նկատմամբ։ Ճանապարհը բառերով հարուստ է։ Բայց բառերը նյութական են։ Ոչ մի թատրոնում այսքան հաճախ չեն կրկնում հիմնադրի անունը, ինչպես մեզ մոտ․,֊ նշել է Վլադիմիր Բելդիյանը՝ «Վախթանգով; Ճանապարհ դեպի Տուրանդոտ» յուրահատուկ աուդիոներկայացում֊ ճանապարհորդության ռեժիսորը։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 707 անգամ