Քաղաքակրթական ներուժը կեցության բարձրագույն արժեք է:

Լրագրող Աննա Պոլիտկովսկայայի և գրող Ֆյոդոր Դոստոևսկու տեքստերը «Նոր Ռիգայում»

05.13.2022


Ուկրաինայում Ռուսաստանի զինված ուժերի կողմից «հատուկ գործողության» պատճառով, հարևան Լատվիա տեղափոխված հայտնի դերասանուհի Չուլպան Խամատովան Նոր Ռիգայի թատրոնում գեղարվեստական ղեկավար Ալվիս Հերմանիսի հետ նախապատրաստում է «Հետգրություն» մենաներկայացումը։ Այդ մասին տեղեկացնում է «taglur.am»֊ը՝ հղում անելով «teatral-online.ru»֊ին։

Ներկայացման հիմքում դրվել են 2006թ․֊ին Մոսկվայում չարամտորեն սպանված լրագրող Աննա Պոլիտկովսկայայի «Նովայա Գազետա» պարբերականում հրատարակված հոդվածները և ժամանակին գրաքննության կողմից արգելված Ֆյոդոր Դոստոևսկու «Դևերը» վեպը։

«Հետգրության» հեղինակների ներկայացմամբ սա մի պատմություն է «Ռուսաստանի խղճի, գիտակցության և ենթագիտակցության մասին (և ոչ միայն), տողատակում վերջին իրադարձությունները»։

Ներկայացումն ընթանալու է ռուսերեն՝ լատիշերեն սուբտիտրերի ուղեկցությամբ։

Ռուսաստանի ժողովրդական արտիստ Չուլպան Խամատովան Նոր Ռիգայի թատրոնի գեղարվեստական ղեկավար Ալվիս Հերմանիսի հրավերով աշխատանքի է անցել 2022թ․֊ի մարտին։ Սա երկու արվեստագետների համագործակցությամբ ստեղծվող երրորդ բեմադրությունն է։ Մինչ այդ Խամատովան խաղացել է Մոսկվայի Ազգությունների թատրոնում Հերմանիսի «Շուկշինի պատմվածքները» և «Գորբաչյով» բեմադրություններում։


Լուսանկարն՝ ըստ հղման աղբյուրի: 

Այս թեմայով այլ հղումներ-1


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 472 անգամ