Քաղաքակրթական ներուժը կեցության բարձրագույն արժեք է:

Չկա չարիք առանց բարիքի

07.06.2022


Ռուսաստանցի հայտնի ռեժիսոր Դմիտրի Կռիմովը, որը ռուսական զորքերի Ուկրաինա ներխուժման օրերին գտնվում էր ԱՄՆ֊ում և որպես բողոքի նշան հայտարարել էր, որ մոտակա ժամանակներում չի վերադառնա հայրենիք, նոր բեմադրության փորձ է սկսել Ռիգայում։ Այդ մասին «oteatre.info»֊ի տեղեկատվությունը փոխանցում է «taglur.am»֊ը։

Նոր Ռիգայի թատրոնում նախապատրաստվող բեմադրության մեջ ընդգրկված են այդ թատրոնի արտիստները, որոնց թվում նաև ուկրաինական դեպքերի կապակցությամբ Ռուսաստանը լքած և լատվիական այս թատերախմբին միացած դերասանուհի Չուլպան Խամատովան։

Ռիգայի թատրոնի գեղարվեստական ղեկավար Ալվիս Հերմանիսը վերջերս տված իր հարցազրույցներից մեկը զետեղելով սոցիալական ցանցում դրա տակ կատարել է հետևյալ գրառումը․ «Այո, դա այդպես է։ Ռուսաստանցի լավագույն ռեժիսոր Դմիտրի Կռիմովը սկսել է փորձերը Նոր Ռիգայի թատրոնում; Մանրամասները կհրապարակվեն թատերաշրջանի սկզբին»։

Ավելացնենք, որ ռուսաստանցի երկու արվեստագետները՝ Կռիմովը և Խամատովան մինչ այս միասին չեն համագործակցել և միգրանտի կարգավիճակում հայտնվելը նրանց համար, փաստորեն դարձել է նույն հարթակում համատեղ ստեղծագործելու հնարավորություն։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 487 անգամ