Քաղաքակրթական ներուժը կեցության բարձրագույն արժեք է:

Ռուսաստանում հիմնվել է ձիա֊դրամատիկական թատրոն

07.18.2022


Ռուսաստանցի դերասան Եվգենի Տկաչուկը Սանկ֊Պետերբուրգից ոչ հեռու գտնվող Լեպսարի գյուղում ստեղծել է․․․ ձիա֊դրամատիկական «ՎելեսՕ» թատրոնը, որի հիմքի վրա կհիմնի ստեղծագործական լաբորատորիա և էկոլոգիական կեցավայր։ Այդ մասին «teatral-online.ru»֊ի տեղեկատվությունը փոխանցում է «taglur.am»֊ը։

«ՎելեսՕ» թատրոն հաճախում են ընտանիքներով, որպեսզի բնության և կենդանինների հետ վարժվեն ապրել համադաշնորեն, անշուշտ նաև դիտեն դրանց մասնակցությամբ ներկայացումներ։ Այս թատրոնը, ըստ ստեղծողի «հակաուրբանիստական» է, բարդ և դեռ ոչ ավարտուն ձևի մեջ է, որը դեռ պետք է հետազոտվի։

Անցյալ հանգստյան օրերին «ՎելեսՕ»֊ն հանդիսատեսին է ներկայացրել նոբելյան մրցանակակիր Իսահակ Զինգերի «Լյուբլինյան ծեփագործը» վեպի իր մեկնաբանությունը։ Ձիարշավային տեսարանները և պլաստիկ էտյուդները այս բեմադրության առանքային թեմաներից են։ Երաժշտությունը գրված է հենց այս ներկայացման համար, իսկ դեկորացիաների հեղինակներին թատրոնի հիմնադիրը գտել է ԱԽԷ ինժեներական թատրոնում։ Նրանց կառուցածը կամուրջ է, որի վրա արտիստները կարողանում են ճարպիկ հնարքներ ցուցադրել անկշռելիության պայմաններում․․․

Եվգենի Տկաչուկը ծրագրում է որպես գլխավոր ուղենիշ ընտրել հեքիաթների թեմաները։ Նա նաև շատ լուրջ հույսեր է կապում «թափառաշրջիկ» թատերախումբ ձևավորելու մասին, որոնք ցանկացած տարածքում ընդունակ լինեն վեր հանել ցանկացած թեմա՝ «չվախենալով, որ կկեղտոտվեն յոթ քամիների արանքում»։





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 474 անգամ