Մյուզիքլ, որտեղ նվագախմբի պարտականությունը կատարում են կենցաղային իրերը08.12.2022
Ռուսաստանի Պերմի քաղաքում գործող «Տետր֊տեատր»֊ը («Թատրոն֊թատրոն»֊ը) նախապատրաստում է «Սերյոժան շատ բութ է» հայտնի պիեսի հիման վրա սըեղծված մի յուրահատուկ մյուզիքլ, որի երաժշտական մասը կկատարի կենցաղային տարբեր տեխնիկական միջոցներից ձևավորված «նվագախումբը։ Այդ մասին տեղեկացնում է «taglur.am»֊ը՝ հղում անելով «teatral-online.ru»֊ին։
Կենցաղային առարկաների ձայները հնարավոր կլինի կառավարել հատուկ midi-ինտերֆեյսի շնորհիվ՝ իրական ժամանակի ռեժիմում։ Այնպես որ կենցաղային տեխնիկան կնվագի սեփական պարտիտուրով և առանց ֆոնոգրամի։
Այդ յուրահատուկ «նվագախմբում» կհնչեն սառնարանները, փոշեծծիչները, հեռուստացույցերը, պլանշետները, սմարթֆոնները, լվացքի մեքենաները և այլ սարքեր։ Ընդհանուր առմամբ «նվագախմբում» հավաքվել է շուրջ 100 կենցաղային սարք։
Գաջեթների այդ հավաքակազմը, որ միշտ փոխներգործության մեջ է մարդկանց աշխարհի հետ և արձագանքում է մյուզիքլի հինգ հերոսների հետ կատարվող իրադարձություններինին, նույնական է այն բանին, ինչպես ավանդական օպերայում նվագախումբը արձագանքում է սոլիստների երգեցողությանը։ Համենայնդեպս մյուզիքլի մատուցման ձևը այդպես են մեկնաբանում «Տետր֊տեատր»֊ում։
«Եթե ես պետք է բացատրեմ, թե ինչի մասին է այս պիեսը, ապա ես կասեի, որ դա այն մասին է, թե ինչպես ամենասովորական մարդու պարզ ու չափված կյանքի մեջ ամեն պահ կարող է ներխուժել ինչ֊որ մի իռացիոնալ, անբացատրելի բան և այդ իռացիոնալի հետ պետք է գործ ունենալ և ինչ֊որ ձևով դրան արձագանքել։ Եվ դրանից կարող է կախված լինել մնացած ողջ կյանքը․․․»,֊ նշել է մյուզիքլի հեղինակ Դմիտրի Դանիլովը։
Նշենք, որ «Սերյոժան շատ բութ է» պիեսը այսօրվա ռուսաստանյան թատերական կյանքի հիթերից մեկն է։ Այն բեմադրել են Ռուսաստանի թե մի շարք ակադեմիական, թե փորձարարական հայտնի թատրոններ։
![](upload/Kentsaxayin ararkaneri erazhshtutyun.jpg)
Ռուսաստանի Պերմի քաղաքում գործող «Տետր֊տեատր»֊ը («Թատրոն֊թատրոն»֊ը) նախապատրաստում է «Սերյոժան շատ բութ է» հայտնի պիեսի հիման վրա սըեղծված մի յուրահատուկ մյուզիքլ, որի երաժշտական մասը կկատարի կենցաղային տարբեր տեխնիկական միջոցներից ձևավորված «նվագախումբը։ Այդ մասին տեղեկացնում է «taglur.am»֊ը՝ հղում անելով «teatral-online.ru»֊ին։
Կենցաղային առարկաների ձայները հնարավոր կլինի կառավարել հատուկ midi-ինտերֆեյսի շնորհիվ՝ իրական ժամանակի ռեժիմում։ Այնպես որ կենցաղային տեխնիկան կնվագի սեփական պարտիտուրով և առանց ֆոնոգրամի։
Այդ յուրահատուկ «նվագախմբում» կհնչեն սառնարանները, փոշեծծիչները, հեռուստացույցերը, պլանշետները, սմարթֆոնները, լվացքի մեքենաները և այլ սարքեր։ Ընդհանուր առմամբ «նվագախմբում» հավաքվել է շուրջ 100 կենցաղային սարք։
Գաջեթների այդ հավաքակազմը, որ միշտ փոխներգործության մեջ է մարդկանց աշխարհի հետ և արձագանքում է մյուզիքլի հինգ հերոսների հետ կատարվող իրադարձություններինին, նույնական է այն բանին, ինչպես ավանդական օպերայում նվագախումբը արձագանքում է սոլիստների երգեցողությանը։ Համենայնդեպս մյուզիքլի մատուցման ձևը այդպես են մեկնաբանում «Տետր֊տեատր»֊ում։
«Եթե ես պետք է բացատրեմ, թե ինչի մասին է այս պիեսը, ապա ես կասեի, որ դա այն մասին է, թե ինչպես ամենասովորական մարդու պարզ ու չափված կյանքի մեջ ամեն պահ կարող է ներխուժել ինչ֊որ մի իռացիոնալ, անբացատրելի բան և այդ իռացիոնալի հետ պետք է գործ ունենալ և ինչ֊որ ձևով դրան արձագանքել։ Եվ դրանից կարող է կախված լինել մնացած ողջ կյանքը․․․»,֊ նշել է մյուզիքլի հեղինակ Դմիտրի Դանիլովը։
Նշենք, որ «Սերյոժան շատ բութ է» պիեսը այսօրվա ռուսաստանյան թատերական կյանքի հիթերից մեկն է։ Այն բեմադրել են Ռուսաստանի թե մի շարք ակադեմիական, թե փորձարարական հայտնի թատրոններ։