Ռոբեր Լեպաժի նոր «Համլետը» պարել է Կրայովայում06.03.2024
Ռումինիայի Կրայովա քաղաքում կայացած Շեքսպիրյան միջազգային փառատոնը ավարտվել է Կանադացի աշխարհահռչակ ռեժիսոր Ռոբեր Լեպաժի և նրա համերկրացի, Կանադայի ազգային բալետի առաջատար պարող Գիյոմ Կոտեի համահեղինակած «Համլետ, Դանիայի արքայազն» բեմադրության եվրոպական պրեմիերայով։ Այդ մասին տեղեկացնում է «Թագլուրը»՝ հղում անելով « kommersant.ru»֊ին։
Պարող Համլետ։ Այսպես է բնութագրվում Շեքսպիրի ամենահայտնի ստեղծագործության այս նոր ընթերցումը, որին Լեպաժն անդրադառնում է արդեն երրորդ անգամ։
Դեռևս 90֊ական թվերի կեսերին կանադացի ռեժիսորը ինքն իր համար պատրաստել է այս թեմայով «Էլսինոր» վերնագրված մոնոբեմադրությունը։ Իսկ 10 տարի առաջ Մոսկվայի Ազգությունների թատրոնում ստեղծեց ևս մեկ մոնոբեմադրություն։ Այստեղ ռեժիսորը պտտտվող խորանարդի մեջ տեղադրեց գլխավոր հերոսին և ողբերգության մյուս կերպարներին մարմնավորող միակ արտիստին՝ հայտնի դերասան Եվգենի Միրոնովին (ի դեպ, մայիսին այս ներկայացմամբ Եվգենի Միրոնովը հյուրախաղերով հանդես եկավ Երևանում):
Լեպաժի նոր «Համլետ»֊ի գործողությունները ծավալվում են դատարկ բեմում։ Այս անգամ կանադացի ռեժիսորը Դանիայի արքայազնի ողբերգությունը ներկայացրել է պլաստիկայի լեզվով։ «Երբեք չի կարելի ասել, որ դուք փակում եք Համլետի թեման,֊ զգուշացրել է ռեժիսորը,֊ միշտ կա նոր դուռ գտնելու հնարավորություն»։
Թատերական շրջանակները և մասնագետները նշում են, որ Լեպաժը սիրում է իր բեմադրությունները պատրաստելիս օգտվել ամենաժամանակակից տեխնիկական միջոցներից, ճանապարհորդել ժանրերի և արվեստի տեսակների միջև՝ դրամայից մինչև կրկես, օպերայից մինչև տիկնիկային թատրոն, իսկ այս վերջին բեմադրությամբ պարզվում է, որ, նաև՝ կինոյից մինչև պար։ Շատերի գնահատմամբ սա դեռ վերջը չէ և Լեպաժը ունի շեքսպիրյան այլ սյուժեների գաղտնի դռներ բացելու բանալիներ։
Այս թեմայով այլ հղումներ-1
Ռումինիայի Կրայովա քաղաքում կայացած Շեքսպիրյան միջազգային փառատոնը ավարտվել է Կանադացի աշխարհահռչակ ռեժիսոր Ռոբեր Լեպաժի և նրա համերկրացի, Կանադայի ազգային բալետի առաջատար պարող Գիյոմ Կոտեի համահեղինակած «Համլետ, Դանիայի արքայազն» բեմադրության եվրոպական պրեմիերայով։ Այդ մասին տեղեկացնում է «Թագլուրը»՝ հղում անելով « kommersant.ru»֊ին։
Պարող Համլետ։ Այսպես է բնութագրվում Շեքսպիրի ամենահայտնի ստեղծագործության այս նոր ընթերցումը, որին Լեպաժն անդրադառնում է արդեն երրորդ անգամ։
Դեռևս 90֊ական թվերի կեսերին կանադացի ռեժիսորը ինքն իր համար պատրաստել է այս թեմայով «Էլսինոր» վերնագրված մոնոբեմադրությունը։ Իսկ 10 տարի առաջ Մոսկվայի Ազգությունների թատրոնում ստեղծեց ևս մեկ մոնոբեմադրություն։ Այստեղ ռեժիսորը պտտտվող խորանարդի մեջ տեղադրեց գլխավոր հերոսին և ողբերգության մյուս կերպարներին մարմնավորող միակ արտիստին՝ հայտնի դերասան Եվգենի Միրոնովին (ի դեպ, մայիսին այս ներկայացմամբ Եվգենի Միրոնովը հյուրախաղերով հանդես եկավ Երևանում):
Լեպաժի նոր «Համլետ»֊ի գործողությունները ծավալվում են դատարկ բեմում։ Այս անգամ կանադացի ռեժիսորը Դանիայի արքայազնի ողբերգությունը ներկայացրել է պլաստիկայի լեզվով։ «Երբեք չի կարելի ասել, որ դուք փակում եք Համլետի թեման,֊ զգուշացրել է ռեժիսորը,֊ միշտ կա նոր դուռ գտնելու հնարավորություն»։
Թատերական շրջանակները և մասնագետները նշում են, որ Լեպաժը սիրում է իր բեմադրությունները պատրաստելիս օգտվել ամենաժամանակակից տեխնիկական միջոցներից, ճանապարհորդել ժանրերի և արվեստի տեսակների միջև՝ դրամայից մինչև կրկես, օպերայից մինչև տիկնիկային թատրոն, իսկ այս վերջին բեմադրությամբ պարզվում է, որ, նաև՝ կինոյից մինչև պար։ Շատերի գնահատմամբ սա դեռ վերջը չէ և Լեպաժը ունի շեքսպիրյան այլ սյուժեների գաղտնի դռներ բացելու բանալիներ։
Այս թեմայով այլ հղումներ-1
 28.11.jpg)
.jpg)
