Ռեժիսորը հեռակա կարգով դատապարտվել է 7,5 տարվա ազատազրկման08.13.2024
Օրերս Մոսկվայի Բասմանի շրջանային դատարանը կրկնակի անգամ հեռակա կարգով մեղավոր է ճանաչել հայտնի ռեժիսոր Իվան Վիրիպաևին՝ ռուսական բանակի մասին կեղծ լուրեր տարածելու համար։ Նա դատապարտվել է 7,5 տարվա ազատազրկման։ Նույն մեղադրանքով առաջին անգամ նա դատապարտվել էր 8 տարվա ազատազրկման։ Այդ մասին «ՏԱՍՍ»-ի տեղեկատվությունը փոխանցում է «Թագլուրը»։
«Ազատազրկման ձևով պատիժը կրելու ժամկետը հաշվարկվում է Իվան Ալեքսանդրովիչ Վիրիպաևին Ռուսաստանի Դաշնության տարածք արտահանձնելու պահից կամ Ռուսաստանի Դաշնության տարածքում նրան կալանքի տակ պահելու պահից»,- ասվում է դատարանի մամուլի ծառայության հաղորդագրության մեջ։
Վիրիպաևը 2013-2016 թվականներին եղել է «Պրակտիկա» թատրոնի գեղարվեստական ղեկավարը։ 2020-2021 թվականներին որպես գլխավոր պրոդյուսեր աշխատել է «Okko» հոսքային հարթակի «Okko Theatre» առցանց նախագծում: Նա դեմ է արտահայտվել ռուսական զորքերի կողմից Ոկրաինայի դեմ ձեռնարկված «հատուկ գործողությանը» և խոստացել օգնել Ուկրաինային։ 2023 թվականի մայիսին Մոսկվայի Բասմանի շրջանային դատարանը հեռակա ձերբակալելու դատավճիռ էր կայացրել կինոպրոդյուսեր Ալեքսանդր Ռոդնյանսկու և ռեժիսոր Վիրիպաևի նկատմամբ՝ Ռուսաստանի զինված ուժերի գործողությունների մասին կեղծ տեղեկություններ տարածելու մեղադրանքով։
Այս երկու արվեստագետներն էլ, սակայն, մինչ իրենց նկատմամբ իրավական գործողություններ սկսելը հեռացել են Ռուսաստանից։
Օրերս Մոսկվայի Բասմանի շրջանային դատարանը կրկնակի անգամ հեռակա կարգով մեղավոր է ճանաչել հայտնի ռեժիսոր Իվան Վիրիպաևին՝ ռուսական բանակի մասին կեղծ լուրեր տարածելու համար։ Նա դատապարտվել է 7,5 տարվա ազատազրկման։ Նույն մեղադրանքով առաջին անգամ նա դատապարտվել էր 8 տարվա ազատազրկման։ Այդ մասին «ՏԱՍՍ»-ի տեղեկատվությունը փոխանցում է «Թագլուրը»։
«Ազատազրկման ձևով պատիժը կրելու ժամկետը հաշվարկվում է Իվան Ալեքսանդրովիչ Վիրիպաևին Ռուսաստանի Դաշնության տարածք արտահանձնելու պահից կամ Ռուսաստանի Դաշնության տարածքում նրան կալանքի տակ պահելու պահից»,- ասվում է դատարանի մամուլի ծառայության հաղորդագրության մեջ։
Վիրիպաևը 2013-2016 թվականներին եղել է «Պրակտիկա» թատրոնի գեղարվեստական ղեկավարը։ 2020-2021 թվականներին որպես գլխավոր պրոդյուսեր աշխատել է «Okko» հոսքային հարթակի «Okko Theatre» առցանց նախագծում: Նա դեմ է արտահայտվել ռուսական զորքերի կողմից Ոկրաինայի դեմ ձեռնարկված «հատուկ գործողությանը» և խոստացել օգնել Ուկրաինային։ 2023 թվականի մայիսին Մոսկվայի Բասմանի շրջանային դատարանը հեռակա ձերբակալելու դատավճիռ էր կայացրել կինոպրոդյուսեր Ալեքսանդր Ռոդնյանսկու և ռեժիսոր Վիրիպաևի նկատմամբ՝ Ռուսաստանի զինված ուժերի գործողությունների մասին կեղծ տեղեկություններ տարածելու մեղադրանքով։
Այս երկու արվեստագետներն էլ, սակայն, մինչ իրենց նկատմամբ իրավական գործողություններ սկսելը հեռացել են Ռուսաստանից։
