Բրոդվեյը աշնանը կողողվի Լուի Արմսթրոնգի երաժշտությամբ ու ոճով08.27.2024
Նյու֊Յորքի Բրոդվեյում նախապատրաստվում են հանդիսատեսին ներկայացնել մեծ ջազմեն Լուի Արմսթրոնգին նվիրված «Զարմանալի աշխարհ․ Լուի Արմստրոնգի մյուզիքլը» խորագրով նոր բեմադրությունը։ Պրեմիերան նախատեսված աշնանը։ Այդ մասին տեղեկացնում է «Թագլուրը»՝ հղում անելով «deadline.com»֊ին։
Բեմադրության մեջ կկիրառվեն նոր երաժշտական գործիքավորումներ և ձևավորումներ, այդ իսկ պատճառով ստեղծագործական խմբի կազմ է հրավիրվել նաև «Թոնի» մրցանակի թեկնածու կոմպոզիտոր Բրենֆորդ Մարսալիսը։
Այս բեմադրությունը մինչև Բրոդվեյ բերելը, դեռ մեկ տարի առաջ ներկայացվել է Նոր Օռլեանում և Չիկագոյում։ Հենց այդ բեմադրության հեղինակներն էլ այն նախապատրաստում են ամերիկյան «գլխավոր» թատերական հարթակ բարձրացնելու համար։
Բրոդվեյի «Studio 54» թատրոնի հարթակում ջազային մյուզիքլի գլխավոր դերակատարը «Թոնի» մրցանակակիր Ջեյմս Մոնրո Իգլահարթն է, որը հայտնի է Դիսնեյի ստուդիայում ստեղծված հայտնի «Ալադին» ֆիլմի հերոսին մարմնավորելու շնորհիվ։
Կոմպոզիտոր Մարսալիսի հետ համաձայնության գալու հայտարարության մեջ մյուզիքլի պրոդյուսերները խոսել են նաև երգչուհի Վանեսսա Ուիլյամսի մասնակցության մասին և իրենց ստեղծագործական և կատարողական կազմը որակել «հզոր» բառով։
«Լուի Արմսթրոնգ բնության ուժ էր»,֊ ասել է Մարսալիսը և նշել, որ ինքն էլ մեծ ջազմենի պես մեծացել է Նոր Օռլեանում, որտեղ «երաժշտությունը կյանքի անբաժանելի մասն է և հոգին ողողում է այնպես, ինչպես Լուին ողողում է իր բոլոր երգերն այս «Զարմանալի աշխարհում»։ Նա մեծ պատիվ է համարել բեմադրության հեղինակներին Արմսթրոնգի երաժշտության մեղեդայնությունը և ոճը վերարտադրելու հնարավորություն ընձեռելու համար։
Բրենֆորդ Մարսալիսը Գրեմմիի եռակի դափնեկիր է։ Նա առաջադրվել է «Թոնի» մրցանակի 2010-ին «Ցանկապատեր» մյուզիքլում հնչող ստեղծագործությունների համար: Նա նաև երաժշտություն է հորինել Բրոդվեյի «Լեռան գագաթ» (2011) և «Կրտսեր աստծո երեխաները» (2018) բեմադրությունների համար և այլն։
Լուսանկարն՝ ըստ հղման աղբյուրի
Նյու֊Յորքի Բրոդվեյում նախապատրաստվում են հանդիսատեսին ներկայացնել մեծ ջազմեն Լուի Արմսթրոնգին նվիրված «Զարմանալի աշխարհ․ Լուի Արմստրոնգի մյուզիքլը» խորագրով նոր բեմադրությունը։ Պրեմիերան նախատեսված աշնանը։ Այդ մասին տեղեկացնում է «Թագլուրը»՝ հղում անելով «deadline.com»֊ին։
Բեմադրության մեջ կկիրառվեն նոր երաժշտական գործիքավորումներ և ձևավորումներ, այդ իսկ պատճառով ստեղծագործական խմբի կազմ է հրավիրվել նաև «Թոնի» մրցանակի թեկնածու կոմպոզիտոր Բրենֆորդ Մարսալիսը։
Այս բեմադրությունը մինչև Բրոդվեյ բերելը, դեռ մեկ տարի առաջ ներկայացվել է Նոր Օռլեանում և Չիկագոյում։ Հենց այդ բեմադրության հեղինակներն էլ այն նախապատրաստում են ամերիկյան «գլխավոր» թատերական հարթակ բարձրացնելու համար։
Բրոդվեյի «Studio 54» թատրոնի հարթակում ջազային մյուզիքլի գլխավոր դերակատարը «Թոնի» մրցանակակիր Ջեյմս Մոնրո Իգլահարթն է, որը հայտնի է Դիսնեյի ստուդիայում ստեղծված հայտնի «Ալադին» ֆիլմի հերոսին մարմնավորելու շնորհիվ։
Կոմպոզիտոր Մարսալիսի հետ համաձայնության գալու հայտարարության մեջ մյուզիքլի պրոդյուսերները խոսել են նաև երգչուհի Վանեսսա Ուիլյամսի մասնակցության մասին և իրենց ստեղծագործական և կատարողական կազմը որակել «հզոր» բառով։
«Լուի Արմսթրոնգ բնության ուժ էր»,֊ ասել է Մարսալիսը և նշել, որ ինքն էլ մեծ ջազմենի պես մեծացել է Նոր Օռլեանում, որտեղ «երաժշտությունը կյանքի անբաժանելի մասն է և հոգին ողողում է այնպես, ինչպես Լուին ողողում է իր բոլոր երգերն այս «Զարմանալի աշխարհում»։ Նա մեծ պատիվ է համարել բեմադրության հեղինակներին Արմսթրոնգի երաժշտության մեղեդայնությունը և ոճը վերարտադրելու հնարավորություն ընձեռելու համար։
Բրենֆորդ Մարսալիսը Գրեմմիի եռակի դափնեկիր է։ Նա առաջադրվել է «Թոնի» մրցանակի 2010-ին «Ցանկապատեր» մյուզիքլում հնչող ստեղծագործությունների համար: Նա նաև երաժշտություն է հորինել Բրոդվեյի «Լեռան գագաթ» (2011) և «Կրտսեր աստծո երեխաները» (2018) բեմադրությունների համար և այլն։
Լուսանկարն՝ ըստ հղման աղբյուրի
