Քաղաքակրթական ներուժը կեցության բարձրագույն արժեք է:

Հուշարձանները՝ UNESCO-ի «ժամանակավոր ուժեղացված պաշտպանության» ներքո

01.13.2025


Միացյալ ազգերի Կազմակերպության (ՄԱԿ֊ի) մշակութային հարցերով զբողվող կառույցը՝ UNESCO-ն ուժեղացնում է ջանքերը Ուկրաինայի ժառանգությունը պահպանելու ուղղությամբ։Այդ մասին տեղեկացնում է «Թագլուրը»՝ հղում անելով «ru.euronews.com»֊ին։

Օրերս կազմակերպությունը իր «ժամանակավոր ուժեղացված պաշտպանության» տակ է առել երկու ուկրաինական մշակութային օբյեկտներ՝ Օդեսսա քաղաքում գործող գրականության թանգարանը և Կիևի «Բաբի Յար» հուշահամալիրը։ Սա պատերազմող երկրում գտնվող այդ երկու մշակութային հաստատություններին ևս օժտում է պաշտպանության բարձրագույն իմունիտետով։

Այսպիսով, UNESCO-ն, ընդհանուր առմամբ, իր հովանու տակ է առել Ուկրաինայի տարածքում գտնվող 25 հուշարձան։

Ուկրաինայի դեմ սանձազերծված պատերազմի անցած գրեթե երեք տարիների ընթացքում տարբեր աստիճանի վնասներ են հասցվել ավելի քան 340 մշակությանին օբյեկտների, որոնց թվում 31 թանգարանների և բազմաթիվ կրոնական ու պատմական նշանակության կառույցների։ UNESCO-ն խոստացել է դրանց վերականգնման համար տրամադրել 10 մլն եվրո։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 0 անգամ