Այսօր ֆրանսիացի հայտնի դերասանուհին դարձավ 65 տարեկան03.22.2014
Մարտի 22-ին լրանում է ֆրանսիացի դերասանուհի Ֆաննի Մարգրեթ Ջուդիթ Արդանի ծննդյան 65-ամյակը:
Ֆրանսիական բանակի սպայի դուստրը ավարտել է պոլիտեխնիկական ինստիտուտ, որին զուգահեռ հաճախելիս է եղել նաև դերասանական դասընթացների: Հենց վերջին հանգամանքն էլ ճակատագրական դերակատարություն է ունեցել նրա կյանքում:
Թատերական բեմահարթակ առաջին անգամ բարձրացել է 1974 թ.-ին: Խաղացել է Կոռնելի «Պոլիևկտ» դրամայում: Դրանից հետո նրան վստահվել են գլխավոր դերեր:
Կինոյում Ֆաննի Արդանը սկսել է նկարահանվել 1978 թ.-ից՝ նկարահանվելով Ալեն Ժեսյուայի «Շները» ֆիլմում: Նա հանդիսատեսների մոտ մեծ մասսայականություն ձեռք բերեց Նինա Կոմպանեզի «Ծովափի տիկնայք» հեռուստասերիալում նկարահանվելուց հետո (1979):
Ընդհանուր առմամբ, նա նկարահանվել է 60 կինոնկարներում: Աշխատել է այնպիսի հանրահայտ ռեժիսորների հետ, ինչպիսիք են Ֆրանսուա Տրյուֆոն, Ֆրանկո Ձեֆերելին, Միքելանջելո Անտոնիոնին, Սիդնի Պոլակը, Կլոդ Լելուշը: Նա բազմիցս նկարահանվել է նաև Հոլլիվուդում, ինչպես նաև ֆրանսիական, իտալական, գերմանական կինոստուդիաներում:
Նրա նշանավոր ստեղծագործություններից հատկապես առանձնանում է օպերային մեծագույն երգչուհի Մարիա Կալլասի դերակատարումը Ֆրանկո Ձեֆերելիի «Ընդմիշտ Կալլաս» գեղարվեստական կինոնկարում:
Արդենը հանդես է գալիս նաև որպես կինոռեժիսոր: Նա եղել է Կաննի փառատոնի ժյուրիի անդամ:
Մարտի 22-ին լրանում է ֆրանսիացի դերասանուհի Ֆաննի Մարգրեթ Ջուդիթ Արդանի ծննդյան 65-ամյակը:
Ֆրանսիական բանակի սպայի դուստրը ավարտել է պոլիտեխնիկական ինստիտուտ, որին զուգահեռ հաճախելիս է եղել նաև դերասանական դասընթացների: Հենց վերջին հանգամանքն էլ ճակատագրական դերակատարություն է ունեցել նրա կյանքում:
Թատերական բեմահարթակ առաջին անգամ բարձրացել է 1974 թ.-ին: Խաղացել է Կոռնելի «Պոլիևկտ» դրամայում: Դրանից հետո նրան վստահվել են գլխավոր դերեր:
Կինոյում Ֆաննի Արդանը սկսել է նկարահանվել 1978 թ.-ից՝ նկարահանվելով Ալեն Ժեսյուայի «Շները» ֆիլմում: Նա հանդիսատեսների մոտ մեծ մասսայականություն ձեռք բերեց Նինա Կոմպանեզի «Ծովափի տիկնայք» հեռուստասերիալում նկարահանվելուց հետո (1979):
Ընդհանուր առմամբ, նա նկարահանվել է 60 կինոնկարներում: Աշխատել է այնպիսի հանրահայտ ռեժիսորների հետ, ինչպիսիք են Ֆրանսուա Տրյուֆոն, Ֆրանկո Ձեֆերելին, Միքելանջելո Անտոնիոնին, Սիդնի Պոլակը, Կլոդ Լելուշը: Նա բազմիցս նկարահանվել է նաև Հոլլիվուդում, ինչպես նաև ֆրանսիական, իտալական, գերմանական կինոստուդիաներում:
Նրա նշանավոր ստեղծագործություններից հատկապես առանձնանում է օպերային մեծագույն երգչուհի Մարիա Կալլասի դերակատարումը Ֆրանկո Ձեֆերելիի «Ընդմիշտ Կալլաս» գեղարվեստական կինոնկարում:
Արդենը հանդես է գալիս նաև որպես կինոռեժիսոր: Նա եղել է Կաննի փառատոնի ժյուրիի անդամ:
