«Ոսկե դիմակ» շնորհվեց «Ակադեմսերվիս» ընկերությանը և Տամբովի փոխնահանգապետին04.19.2014
Սանկտ-Պետերբուրգի «Փոքր դրամատիկական թատրոն-Եվրոպայի թատրոնի» ռեժիսոր Լև Դոդինի բեմականացրած «Սեր և խարդավանք» ներկայացումը, լավագույնն է ճանաչվել դրամատիկական ստեղծագործությունների մեջ և արժանացել է «Ոսկե դիմակ»-ի:
Իսկ դրամայի լավագույն ռեժիսոր է ճանաչվել Ռիմաս Տումինասը՝ Մոսկվայի Վախթանգովի անվան թատրոնում իր բեմադրած «Եվգենի Օնեգին» ներկայացման համար:
Մոսկվացիներից պատվավոր մրցանակի են արժանացել նաև Պուշկինի անվան թատրոնի արտիստուհի Ալեքսանդրա Ուրսուլյակը՝ «Բարի մարդը Սեզուանից» ներկայացման մեջ կնոջ լավագույն դերակատարման և «Թատերական արվեստի ստուդիա» թատրոնի դերասան Ալեքսեյ Վերտկովը՝ «Մոսկվա-Պետուշկի» ներկայացման մեջ Վենիչկայի դերակատարման համար:
«Երկրորդ պլանի լավագույն դերակատար» անվանակարգում մրցանակը բաժին է հասել Սանկտ-Պետերբուրգի Ալեքսանդրինյան թատրոնի «Պատարագ զերո» ներկայացման մեջ տատիկի կերպարը մարմնավորած Էրա Զիգանշինային:
Փոքր ձևի լավագույն դրամատիկական ներկայացում է ճանաչվել Զելենոգրադ քաղաքի «Վեդոգոն-թատրոնի» ներկայացրած «Վասսան»:
Նշենք, որ «Լավագույ դրամա» անվանակարգում Մոսկվայի, Սանկտ-Պետերբուրգի, Կազանի, Լիսվայի, Յարոսլավլի, Զելենոգրադի, Վորոնեժի, Կրասնոյարսկի, Նովոսիբիրսկի և Պերմի թատրոնները ներկայացնող 22 բեմադրություններ էին ընդգրկվել:
Իսկ ռեժիսորական անվանակարգերում, որտեղ ավանդաբար միմյանց հետ մրցում են կամերային և մեծ ձևի ներկայացումները, ընդգրկվել էր 20 աշխատանք:
Ապրիլի 18-ին կայացած մրցանակաբաշխության մեջ առանձնակի դեր ունի պատվավոր «Ոսկե դիմակ»-ի հանձնման պահը: Այս անգամ այն շնորհվեց Գալինա Վոլչեկին, Մարկ Զախարովին, Նինա Ուրգանտին, Օլեգ Բասիլաշվիլուն, Աննա Կուզմինային, Գեորգի Օբուխովին, Կլարինա Շադկոյին, և Էրի Կլասին:
Նրանք մրցանակին արժանացել են «թատերական արվեստի մեջ նշանակալից ավանդ ներդնելու համար»: Թատերական գործիչներին պարգևները հանձնեց այս ստուգատեսի նախագահ, Ռուսաստանի ժողովրդական արտիստ Գեորգի Տարատորկինը:
«Ռուսաստանի մշակույթին օժանդակելու համար» անվանակարգում «Ոսկե դիմակ» շնորհվեց «Ակադեմսերվիս» ընկերությանը և Տամբովի մարզի փոխնահանգապետ Սերգեյ Չեբոտարյովին:
Ռուսաստանցի թատերական քննադատների կողմից «Ոսկե դիմակ» շնորհվեց Մոսկվայի Չեխովի անվան գեղարվեստական թատրոնի «Իդեալական ամուսինը» ներկայացմանը, որի ռեժիսորն է Կսնտանտին Բոգոմոլովը:
Լավագույն օտարերկրյա ներկայացման համար նախատեսված «Ոսկե դիմակ»-ը բաժին հասավ Համբուրգի «Thalia» թատրոնի «Այնտեղ, դռան ետևում» ներկայացմանը, որը բեմադրել է նշանավոր ռեժիսոր Լյուկ Պերսեվալը: Այս մրցանակի ճակատագիրը որոշվում է թատերական քննադատների և լրագրողների կարծիքների հիման վրա: Դրա համար նրանց է բաժանվում Մոսկվայում, Պետերբուրգում և Ռուսաստանի այլ քաղաքներում օտար բեմադրիչների ներկայացրած համապատասխան ներկայացումների վերաբերյալ հարցաթերթիկներ, որոնց ամփոփման արդյունքում էլ որոշվում է հաղթողը:
Սանկտ-Պետերբուրգի «Փոքր դրամատիկական թատրոն-Եվրոպայի թատրոնի» ռեժիսոր Լև Դոդինի բեմականացրած «Սեր և խարդավանք» ներկայացումը, լավագույնն է ճանաչվել դրամատիկական ստեղծագործությունների մեջ և արժանացել է «Ոսկե դիմակ»-ի:
Իսկ դրամայի լավագույն ռեժիսոր է ճանաչվել Ռիմաս Տումինասը՝ Մոսկվայի Վախթանգովի անվան թատրոնում իր բեմադրած «Եվգենի Օնեգին» ներկայացման համար:
Մոսկվացիներից պատվավոր մրցանակի են արժանացել նաև Պուշկինի անվան թատրոնի արտիստուհի Ալեքսանդրա Ուրսուլյակը՝ «Բարի մարդը Սեզուանից» ներկայացման մեջ կնոջ լավագույն դերակատարման և «Թատերական արվեստի ստուդիա» թատրոնի դերասան Ալեքսեյ Վերտկովը՝ «Մոսկվա-Պետուշկի» ներկայացման մեջ Վենիչկայի դերակատարման համար:
«Երկրորդ պլանի լավագույն դերակատար» անվանակարգում մրցանակը բաժին է հասել Սանկտ-Պետերբուրգի Ալեքսանդրինյան թատրոնի «Պատարագ զերո» ներկայացման մեջ տատիկի կերպարը մարմնավորած Էրա Զիգանշինային:
Փոքր ձևի լավագույն դրամատիկական ներկայացում է ճանաչվել Զելենոգրադ քաղաքի «Վեդոգոն-թատրոնի» ներկայացրած «Վասսան»:
Նշենք, որ «Լավագույ դրամա» անվանակարգում Մոսկվայի, Սանկտ-Պետերբուրգի, Կազանի, Լիսվայի, Յարոսլավլի, Զելենոգրադի, Վորոնեժի, Կրասնոյարսկի, Նովոսիբիրսկի և Պերմի թատրոնները ներկայացնող 22 բեմադրություններ էին ընդգրկվել:
Իսկ ռեժիսորական անվանակարգերում, որտեղ ավանդաբար միմյանց հետ մրցում են կամերային և մեծ ձևի ներկայացումները, ընդգրկվել էր 20 աշխատանք:
Ապրիլի 18-ին կայացած մրցանակաբաշխության մեջ առանձնակի դեր ունի պատվավոր «Ոսկե դիմակ»-ի հանձնման պահը: Այս անգամ այն շնորհվեց Գալինա Վոլչեկին, Մարկ Զախարովին, Նինա Ուրգանտին, Օլեգ Բասիլաշվիլուն, Աննա Կուզմինային, Գեորգի Օբուխովին, Կլարինա Շադկոյին, և Էրի Կլասին:
Նրանք մրցանակին արժանացել են «թատերական արվեստի մեջ նշանակալից ավանդ ներդնելու համար»: Թատերական գործիչներին պարգևները հանձնեց այս ստուգատեսի նախագահ, Ռուսաստանի ժողովրդական արտիստ Գեորգի Տարատորկինը:
«Ռուսաստանի մշակույթին օժանդակելու համար» անվանակարգում «Ոսկե դիմակ» շնորհվեց «Ակադեմսերվիս» ընկերությանը և Տամբովի մարզի փոխնահանգապետ Սերգեյ Չեբոտարյովին:
Ռուսաստանցի թատերական քննադատների կողմից «Ոսկե դիմակ» շնորհվեց Մոսկվայի Չեխովի անվան գեղարվեստական թատրոնի «Իդեալական ամուսինը» ներկայացմանը, որի ռեժիսորն է Կսնտանտին Բոգոմոլովը:
Լավագույն օտարերկրյա ներկայացման համար նախատեսված «Ոսկե դիմակ»-ը բաժին հասավ Համբուրգի «Thalia» թատրոնի «Այնտեղ, դռան ետևում» ներկայացմանը, որը բեմադրել է նշանավոր ռեժիսոր Լյուկ Պերսեվալը: Այս մրցանակի ճակատագիրը որոշվում է թատերական քննադատների և լրագրողների կարծիքների հիման վրա: Դրա համար նրանց է բաժանվում Մոսկվայում, Պետերբուրգում և Ռուսաստանի այլ քաղաքներում օտար բեմադրիչների ներկայացրած համապատասխան ներկայացումների վերաբերյալ հարցաթերթիկներ, որոնց ամփոփման արդյունքում էլ որոշվում է հաղթողը:
