Քաղաքակրթական ներուժը կեցության բարձրագույն արժեք է:

Ներկայացում, որը տեղի կունենա, նույնիսկ, եթե լինի մեկ հանդիսատես

08.09.2022


Ռուսաստանի Պերմ քաղաքի «Տեատր֊տեատր»֊ը («Թատրոն֊թատրոն»֊ը) պատրաստել է բեմադրություն֊պրոմենադ (բեմադրություն֊զբոսանք)՝ ըստ Պաստերնակի «Դոկտոր Ժիվագո» վեպի։ Այդ մասին տեղեկացնում է «taglur.am»֊ը՝ հղում անելով «teatral-online.ru»֊ին։

«Հանդիսատեսը եկել է հրապարակ, հարմարեցնում է ականջակալները, միացնում է հարթակը և վերջ։ Ներկայացումը սկսվում է։ Այն սկսվում է այժմ՝ անձամբ այդ մարդու համար։ Թատրոնում դա գործնականորեն անհնար է։ Սակայն այսօր կան զանազան տեխնալոգիական լուծումներ, որոնք հնարավորություն են տալիս ներկայացում խաղալ մեկ հանդիսատեսի համար»,֊ ասում է բեմադրություն֊պրոմենադի համակարգող֊չեժիսոր Սեմյոն Ալեքսանդրովսկին։

Ըստ նրա, թատրոնը, որպես մոգական արկղ, ստեղծում է նոր, զուգահեռ աշխարհ, իսկ այս դեպքում սյուժեն խորասուզվում է կենդանի միջավայրի մեջ և բեմադրության հեղինակները պատրաստ են հսկայական թվով անհավատալի համընկնումների։ «Մենք թույլատրում ենք արվեստին և իրական կյանքին հյուսվել միմյանց»,֊ նշում է Ալեքսանդրովսկին։

Բեմադրություն֊պրոմենադի հանդիսատեսները դոկտոր Ժիվագոյի հետ զբոսանքի կմեկնեն Պերմի մշակութային տիրույթներում, կհայտնաբերեն անցյալի արժեքներ, կվերապրեն այնպիսի զգացողություններ, ինչպիսիք ունեցել են Պաստերնակի հերոսները։ Հայտնի վեպի թեմաներով աուդիոներկայացում֊զբոսանքը հատկապես հարազատ է Պերմի բնակիչներին, չէ՞ որ այդ ստղծագործության մեջ ներկայացվող Յուրտին քաղաքի համար հենց Պերմն է դարձել նախատիպ։






Լուսանկարն՝ ըստ հղման աղբյուրի: 


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 489 անգամ