Մեծ դերասանը երկրայինի և երկնայինի սահմանագծին09.30.2013
83- տարեկան հասակում հեռացավ հայ բեմի ու կինոյի նահապետը: Թերևս այն վերջին մոհիկանը, ով իր վաստակի, բնատուր շնորհների ու տաղանդի ուժով կերտած հերոսների մարմնավորումներով, հասարակական ակտիվ կենսակերպի ամենաբազմազան դրսևորումներով և հայի կերպարի մարդկային նկարագրով պիտի բազմի իրեն ժամանակակից, ինչպես նաև նախորդ ու գալիք մեծերի կողքին՝ որպես անժամանակյա արժեք:
Սոս Սարգսյանի հարազատներին, գործընկերներին և արվեստի երկրպագուներին ուղղված Հանրապետության Նախագահի ցավակցական հեռագրում ասված է. «Մեծ է բոլորիս վիշտը: Մենք կորցրինք մեծ դերասանի, մեծ մտավորականի և մեծ հայի: Սոս Սարգսյանի ներկայությունը մեր արվեստում և հասարակական կյանքում նշանակալի էր: Նա իր վարքով ու կեցվածքով մեզ բոլորիս դարձնում էր ավելի բարի, ավելի ազնիվ, ավելի լավը: Նրա խաղացած դերերը մի ամբողջ դարաշրջան են մեր թատրոնի և կինոյի պատմության մեջ:
Իսկ հայոց երկրորդ հանրապետության՝ Լեռնային Ղարաբաղի Հանրապետության նախագահ Բակո Սահակյանն իր ցավակցական հեռագրում նշում է, որ «Մեծ է Սոս Սարգսյանի ավանդը նաև Արցախյան ազգային-ազատագրական շարժման և Լեռնային Ղարաբաղի Հանրապետության կայացման գործում: Նա միշտ եղել է Արցախի հետ՝ ըստ ամենայնի աջակցելով մեր պետականաշինության գործընթացին»:
«Հիմա, երբ հարկադրված հաշտվում ենք իրողության հետ և Սոս Սարգսյանի ավարտված երկրային ժամանակի ու նոր-նոր սկիզբ առնող երկնայինի սահմանագծին փորձում ենք ետ նայելով կանխատեսել հետագան, ակամա ապշում ենք ոչ այնքան երկնայինի ընձեռած անմահության հեռանկարները նշմարելով, որքան վիթխարի այն տարածքով, որ զբաղեցրել, յուրացրել, իրացրել է նա փոքրիկ համարվող այս երկրում»,- Մեծ դերասանի բնութագիրն ու անցած կյանքի ճանապարհը ամբողջացնող հիշատակի հոդվածում նշել է Հայ Յեղափոխական Դաշնակցությունը:
Հարյուրամյա քաղաքական կազմակերպությունը ընդգծում է, որ Մեծ արտիստին «չէին կաշկանդում ոչ իշխանությունները և ոչ էլ հարազատ ու մյուս կուսակցությունները, իշխանավորներն ու քաղաքական այրերը, հարուստներն ու աղքատները, ներքին ու արտաքին թշնամիները, նույնիսկ բարեկամներն ու ընկերները: Նա ամենուր էր, ուր պահանջում էր ժամանակը»:
Հայ մեծ դերասան Սոս Սարգսյանի աճյունը ամփոփվեց Երևանի Կոմիտասի անվան այգու պանթեոնում:
83- տարեկան հասակում հեռացավ հայ բեմի ու կինոյի նահապետը: Թերևս այն վերջին մոհիկանը, ով իր վաստակի, բնատուր շնորհների ու տաղանդի ուժով կերտած հերոսների մարմնավորումներով, հասարակական ակտիվ կենսակերպի ամենաբազմազան դրսևորումներով և հայի կերպարի մարդկային նկարագրով պիտի բազմի իրեն ժամանակակից, ինչպես նաև նախորդ ու գալիք մեծերի կողքին՝ որպես անժամանակյա արժեք:
Սոս Սարգսյանի հարազատներին, գործընկերներին և արվեստի երկրպագուներին ուղղված Հանրապետության Նախագահի ցավակցական հեռագրում ասված է. «Մեծ է բոլորիս վիշտը: Մենք կորցրինք մեծ դերասանի, մեծ մտավորականի և մեծ հայի: Սոս Սարգսյանի ներկայությունը մեր արվեստում և հասարակական կյանքում նշանակալի էր: Նա իր վարքով ու կեցվածքով մեզ բոլորիս դարձնում էր ավելի բարի, ավելի ազնիվ, ավելի լավը: Նրա խաղացած դերերը մի ամբողջ դարաշրջան են մեր թատրոնի և կինոյի պատմության մեջ:
Իսկ հայոց երկրորդ հանրապետության՝ Լեռնային Ղարաբաղի Հանրապետության նախագահ Բակո Սահակյանն իր ցավակցական հեռագրում նշում է, որ «Մեծ է Սոս Սարգսյանի ավանդը նաև Արցախյան ազգային-ազատագրական շարժման և Լեռնային Ղարաբաղի Հանրապետության կայացման գործում: Նա միշտ եղել է Արցախի հետ՝ ըստ ամենայնի աջակցելով մեր պետականաշինության գործընթացին»:
«Հիմա, երբ հարկադրված հաշտվում ենք իրողության հետ և Սոս Սարգսյանի ավարտված երկրային ժամանակի ու նոր-նոր սկիզբ առնող երկնայինի սահմանագծին փորձում ենք ետ նայելով կանխատեսել հետագան, ակամա ապշում ենք ոչ այնքան երկնայինի ընձեռած անմահության հեռանկարները նշմարելով, որքան վիթխարի այն տարածքով, որ զբաղեցրել, յուրացրել, իրացրել է նա փոքրիկ համարվող այս երկրում»,- Մեծ դերասանի բնութագիրն ու անցած կյանքի ճանապարհը ամբողջացնող հիշատակի հոդվածում նշել է Հայ Յեղափոխական Դաշնակցությունը:
Հարյուրամյա քաղաքական կազմակերպությունը ընդգծում է, որ Մեծ արտիստին «չէին կաշկանդում ոչ իշխանությունները և ոչ էլ հարազատ ու մյուս կուսակցությունները, իշխանավորներն ու քաղաքական այրերը, հարուստներն ու աղքատները, ներքին ու արտաքին թշնամիները, նույնիսկ բարեկամներն ու ընկերները: Նա ամենուր էր, ուր պահանջում էր ժամանակը»:
Հայ մեծ դերասան Սոս Սարգսյանի աճյունը ամփոփվեց Երևանի Կոմիտասի անվան այգու պանթեոնում:
 28.11.jpg)
.jpg)
