Քաղաքակրթական ներուժը կեցության բարձրագույն արժեք է:

Ռեժիսորը հեռացել է, բայց հանդիսատեսն առանց ներկայացման չի մնա

11.27.2013

Մոսկվայի Չեխովի անվան գեղարվեստական թատրոնից հեռացել է առաջատար ռեժիսոր Կոնստանտին Բոգոմոլովը: Նրան այդ քայլին մղել է այն հանգամանքը, որ նրա բեմադրած «Կարամազովները» ներկայացման մեջ թատրոնի ղեկավարությունը որոշել է ուղղումներ կատարել: Այդ մասին հաղորդում է «vesti.ru»-ն, միաժամանակ նշելով, որ, այնուամենայնիվ, ռեժիսորի հեռանալուց հետո որոշվել է ներկայացումը թողնել այնպես, ինչպես բեմադրվել է նրա կողմից:

Այսօր լրագրողների համար թատրոնի դռները փակ են, իսկ գեղարվեստական ղեկավար Օլեգ Տաբակովը ձեռնպահ է մնում մեկնաբանություններ տալուց:
Հաղորդագրությունը նշում է, որ, այնուամենայնիվ ներկայացման համար տոմսերը վաճառվում են: Հենց այս հանգամանքը քննադատների համար առիթ է ծառայել, որ նրանք կասկածեն, թե իրո ՞ք կոնֆլիկտ կա:

Իսկ աղմուկը բորբոքվել է անցյալ կիրակի, երբ թատրոնի հաստիքային ռեժիսոր Կոնստանտին Բոգոմոլովը սոցիալական ցանցի իր էջում գրել էր ներկայացման մշակումները և պրեմիերային նախապատրաստվելու աշխատանքները դադարեցնելու մասին: Նա նաև աշխատանքների ընթացքում պարբերաբար հայտարարում էր, որ ներկայացումը պետք է լինի չար և ոչ փոխզիջումային: Հիմա ինքն էլ այդ նույն կերպ է հանդես գալիս: Հեռանալու մասին նրա դիմումն արդեն ստորագրված է: Թատրոնի շարքային աշխատակիցները ասում են, որ Դոստոևսկու հետ այդպես վարվել չի կարելի: Իսկ թատրոնի պաշտոնական դիրքորոշումն այն է, որ Բոգոմոլովը «տաք-տաք » վճիռ է կայացրել:

Վերջին տեղեկությունների համաձայն բեմադրությունը կներկայացվի, ընդ որում՝ առանց թատրոնի միջամտության: Բոգոմոլովը հայտարարել է, որ ինքն այսուհետ ազատ գործակալ է: Իսկ նա առանց գործի չի մնա: Բոգոմոլովը պահանջված ռեժիսոր է ինչպես Ռուսաստանում այնպես էլ՝ Արևմուտքում: Հիմա նա զբաղված է Մերձբալթիկայում բեմադրության պատրաստվող երկու ներկայացումներով:

Այս քաշքշուկի պատճառով հանդիսատեսը նույնպես առանց ներկայացման չի մնա: Բանն այն է, որ հեղինակային իրավունքի օրենքի համաձայն պատրաստի ներկայացումը պատկանում է թատրոնին և «Կարամազովների» ապագան կախված է միայն թատրոնի ղեկավարությունից:
Ի դեպ, նշենք, որ ներկայացման ազդագրերում «պրեմիերա» բառը սոսնձաթղթով ծածկվել է:
    Դիտվել է 1072 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485>>հաջորդ
    Արխիվ ըստ ամիսների