Քաղաքակրթական ներուժը կեցության բարձրագույն արժեք է:

Մեկնարկել է Ավինյոնի միջազգային թատերական փառատոնը

07.09.2021


Ֆրանսիայի Ավինյոն քաղաքում 75֊րդ անգամ մեկնարկել է այս բնակավայրի անունը կրող հայտնի թատեական փառատոնը։ Սա միջազգային թատերական կյանքում առավել մասշտաբային և հեղինակավոր ֆորումներից է։ Այդ մասին տեղեկացնում է «taglur.am»֊ը։

Այս փառատոնը իր պատմությունն սկսել է 1947թ․֊ից, երբ ֆրանսիացի հայտնի ռեժիսոր և դերասան Ժան Վիլարը Ավինյոնում կազմակերպեց «Դրամատիկական արվեստի շաբաթ․։ Այն ընթացավ հսկայական հաջողությամբ և հաջորդ տարվանից ֆրանսիական հարմարավետ այդ քաղաքում սկսեցին անցկացնել թատերական փառատոներ։ Ժան Վիլարն այդ միջոցառումները ղեկավարում էր մինչև 1971թ․֊ն։

Մինչև 1990-ականների կեսերը Ավինյոնի փառատոնում հիմնականում հանդես էին գալիս միայն ֆրանսիական թատերախմբերը՝ օտարերկրյա կոլեկտիվներին հազվադեպ էին հրավիրում։ Այն միջազգային մակարդակի բարձրացրեց փառատոնը 1980-1984 և 1993-2003 թթ․֊երին ղեկավարած Բեռնար Ֆեվր դ՝Արսյեն։ 1990թ․֊ին նա փառատոնի ծրագրում ընդգրկեց թատերախմբեր Ճապոնիայից, Կորեայից, Թայվանից, Հնդկաստանից, Աֆրիկայի և Լատինական Ամերիկայի մի շարք երկրներից․․․

Ավինյոնի փառատոնը այսօր վերածվել է բազմաթիվ հայտնի ռեժիսորների, դերասանների ու թատերական այլ գործիչների յուրահատուկ ուխտատեղիի։ Ամեն տարի այն անցկացվում է հուլիս ամսին և հայտնի է թատերական նորարարությունների նկատմամբ իր առանձնահատուկ մոտեցմամբ։

75֊րդ փառատոնը կդառնա այսօր այն գլխավորող Օլիվյե Պիի համար վերջինը։ « Ես էյֆորեայի մեջ եմ։ Կարծես սա իմ առաջին փառատոնը լինի»,֊ նշել է Պին։ Նա նաև ընդգծել է, որ անկեղծորեն ուրախ է, քանի որ հաջողվել է այս թատերական փառատոնը անցկացնել առկա պայմաններում և ոչ թե առցանց տիրույթում։
«Ավինյոն 2021»֊ում կցուցադրվի 42 բեմադրություն։ Դրանք կապ ունեն թե դրամատիկական թատրոնի և թե այլ բեմական ձևաչափերի հետ։

Նշենք, որ փառատոնի օրերին Ավինյոնում կբացվի 3 թեմատիկ ցուցահանդես։

Միջազգայի թատերական ֆորումը կեզրափակվի հուլիսի 25֊ին։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 610 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485>>հաջորդ