Նյու֊յորքյան բեմադրությունը 34-ամյա լռությունից հետո կխոսի ու ու կպարի Լոնդոնում04.25.2024
Լոնդոնի թատերասերները այս ամառ հնարավորություն կստանան հետհայաց նետել անցյալ դարի 70֊ականների թատերական իրադարձություններից մեկի վրա։ «Sadler՝s Wells » թատրոնում կրկին բեմադրության է պատրաստվում Մարվին Հեմլիշի «Երգչխմբի գիծը» մյուզիքլը, որի բեմական կենսագրությունը սկսվել է 1975թ․֊ին։ Այդ մասին տեղեկացնում է «Թագլուրը»՝ հղում անելով «londontheatre.co.uk»։
Պաշտամունքային երաժշտական թատերախաղը բեմադրվում է նորովի։ Գլխավոր դերերը մարմնավորելու համար ռեժիսոր Նիկոլայ Ֆոսթերը հրավիրել է դերասաններ Ադամ Քուփերին և Քարլի Մերսեդես Դայերին։
Քուփերի հերոսի անունը Զաք է։ Նա իշխող ռեժիսոր֊խորեոգրաֆ է, որը ընտրում է երգչախումբ Բրոդվեյում նոր մյուզիքլ բեմադրելու համար։ Նա քասթինգի եկած թեկնածուներին ստիպում է անցնել ֆիզիկական և էմոցիոնալ փորձությունների միջով։ Քուփերի խաղընկերուհին՝ Դայերն է, որը մարմնավորում է մյուզիքլի մյուս գլխավոր կերպարին՝ Քեսսիին։
Քեսսին Չաքի նախկին սիրուհին է։ Նա որոշակի հաջողությունների է հասել Բրոդվեյում՝ խաղալով գլխավոր դերեր։ Սակայն նրա բախտը չի բերել, երբ փորձել է մխրճվել Հոլլիվուդ։
Մյուզիքլի մյուս արտիստների ընտրությունը «Sadler՝s Wells » թատրոնում նախատեսված է անցկացնել առաջիկայում։
«Երգչախմբի գիծը» մյուզիքլը ծնվել է Բրոդվեյի թատրոնների բազմաթիվ պարողների հետ անցկացված հարցազրույցների արդյունքում։ Այդ նախագիծը ամբողջացրել է ռեժիսոր֊խորեոգրաֆ Մայքլ Բեննեթը, որը նախկինում հայտնի պարող էր։
Պարտիտուրայի հեղինակը Պուլիտցերյան մրցանակի դափնեկիր Մարվին Հեմլիշն է, որի համար այս ժանրում հանդես գալը եղել է դեբյուտ։
«Երգչախմբի գիծը» մյուզիքլն առաջին անգամ բեմադրվել է 1975 թ․֊ին՝ Բրոդվեյից դուրս՝ Հանրային թատրոնում, որն այն ժամանակ գտնվում էր ծանր ֆինանսական վիճակում և ստիպված էր 1,6 միլիոն դոլար պարտք վերցնել՝ շոուի բեմադրությունը ֆինանսավորելու համար: Այն Հանրային թատրոնի խաղացանկում մնացել է 3 ամիս և դրանից հետո պրոդյուսեր Ջոզեֆ Փափփի գործուն մասնակցության արդյունքում տեղափոխվել է Բրոդվեյ՝ և ստացել մեծ մասսայականություն։
Բրոդվեյում «Երգչախմբի գիծը» ցուցադրվել է 6 137 անգամ։ Սա ժամանակին համարվել է ռեկորդային ցուցանիշ, մինչև այն պահը, երբ նրան շրջանցեցին «Կատուները»։
Մյուզիքլի Եզրափակիչ ներկայացումը տեղի է ունեցել 1990 թվականի ապրիլի 28-ին: Շոուն արժանացել է ինը Թոնի մրցանակի, այդ թվում՝ լավագույն մյուզիքլ, լավագույն բնօրինակ երաժշտություն, լավագույն մյուզիքլի գիրք և մյուզիքլի լավագույն ուղղություն անվանակարգերում:
Ավելացնենք, որ «Երգչախմբի գիծը» մյուզիքլը 1976 թվականին արժանացել է նաև դրամայի Պուլիտցերյան մրցանակի։
Լուսանկարն՝ ըստ հղման աղբյուրի։
Լոնդոնի թատերասերները այս ամառ հնարավորություն կստանան հետհայաց նետել անցյալ դարի 70֊ականների թատերական իրադարձություններից մեկի վրա։ «Sadler՝s Wells » թատրոնում կրկին բեմադրության է պատրաստվում Մարվին Հեմլիշի «Երգչխմբի գիծը» մյուզիքլը, որի բեմական կենսագրությունը սկսվել է 1975թ․֊ին։ Այդ մասին տեղեկացնում է «Թագլուրը»՝ հղում անելով «londontheatre.co.uk»։
Պաշտամունքային երաժշտական թատերախաղը բեմադրվում է նորովի։ Գլխավոր դերերը մարմնավորելու համար ռեժիսոր Նիկոլայ Ֆոսթերը հրավիրել է դերասաններ Ադամ Քուփերին և Քարլի Մերսեդես Դայերին։
Քուփերի հերոսի անունը Զաք է։ Նա իշխող ռեժիսոր֊խորեոգրաֆ է, որը ընտրում է երգչախումբ Բրոդվեյում նոր մյուզիքլ բեմադրելու համար։ Նա քասթինգի եկած թեկնածուներին ստիպում է անցնել ֆիզիկական և էմոցիոնալ փորձությունների միջով։ Քուփերի խաղընկերուհին՝ Դայերն է, որը մարմնավորում է մյուզիքլի մյուս գլխավոր կերպարին՝ Քեսսիին։
Քեսսին Չաքի նախկին սիրուհին է։ Նա որոշակի հաջողությունների է հասել Բրոդվեյում՝ խաղալով գլխավոր դերեր։ Սակայն նրա բախտը չի բերել, երբ փորձել է մխրճվել Հոլլիվուդ։
Մյուզիքլի մյուս արտիստների ընտրությունը «Sadler՝s Wells » թատրոնում նախատեսված է անցկացնել առաջիկայում։
«Երգչախմբի գիծը» մյուզիքլը ծնվել է Բրոդվեյի թատրոնների բազմաթիվ պարողների հետ անցկացված հարցազրույցների արդյունքում։ Այդ նախագիծը ամբողջացրել է ռեժիսոր֊խորեոգրաֆ Մայքլ Բեննեթը, որը նախկինում հայտնի պարող էր։
Պարտիտուրայի հեղինակը Պուլիտցերյան մրցանակի դափնեկիր Մարվին Հեմլիշն է, որի համար այս ժանրում հանդես գալը եղել է դեբյուտ։
«Երգչախմբի գիծը» մյուզիքլն առաջին անգամ բեմադրվել է 1975 թ․֊ին՝ Բրոդվեյից դուրս՝ Հանրային թատրոնում, որն այն ժամանակ գտնվում էր ծանր ֆինանսական վիճակում և ստիպված էր 1,6 միլիոն դոլար պարտք վերցնել՝ շոուի բեմադրությունը ֆինանսավորելու համար: Այն Հանրային թատրոնի խաղացանկում մնացել է 3 ամիս և դրանից հետո պրոդյուսեր Ջոզեֆ Փափփի գործուն մասնակցության արդյունքում տեղափոխվել է Բրոդվեյ՝ և ստացել մեծ մասսայականություն։
Բրոդվեյում «Երգչախմբի գիծը» ցուցադրվել է 6 137 անգամ։ Սա ժամանակին համարվել է ռեկորդային ցուցանիշ, մինչև այն պահը, երբ նրան շրջանցեցին «Կատուները»։
Մյուզիքլի Եզրափակիչ ներկայացումը տեղի է ունեցել 1990 թվականի ապրիլի 28-ին: Շոուն արժանացել է ինը Թոնի մրցանակի, այդ թվում՝ լավագույն մյուզիքլ, լավագույն բնօրինակ երաժշտություն, լավագույն մյուզիքլի գիրք և մյուզիքլի լավագույն ուղղություն անվանակարգերում:
Ավելացնենք, որ «Երգչախմբի գիծը» մյուզիքլը 1976 թվականին արժանացել է նաև դրամայի Պուլիտցերյան մրցանակի։
Լուսանկարն՝ ըստ հղման աղբյուրի։
 28.11.jpg)
.jpg)
