Ըստ հրեաների Մել Գիբսոնի ֆիլմը բորբոքել է հակասեմիթականություն07.06.2014
Այս օրերին Չեխիայում մեկնարկած Կարլովի Վարիի 49-րդ միջազգային կինոփառատոնի ժամանակ տեղի հրեական համայնքի ներկայացուցիչները անսպասելի բողոքի ակցիա են անցկացրել այդ միջոցառմանը ներկա, հոլլիվուդյան հայտնի դերասան և ռեժիսոր Մել Գիբսոնի մասնակցության դեմ: Այդ մասին «РИА Новости»-ի տեղեկատվությունը փոխանցում է «taglur.am»-ը:
Չեխիայի հրեաների բողոքի շարժառիթը Գիբսոնի 10 տարի առաջ նկարահանած «Քրիստոսի տանջանքները» ֆիլմն է , որը, ըստ ցույցի մասնակիցների, նպաստել է աշխարհում հակասեմիթական կրքերի բորբոքմանը:
Փառատոնի կազմակերպիչները հրեական համայնքի ներկայացուցիչների բողոքն ընդունել են ի գիտություն, բայց միաժամանակ հայտարարել, որ այդ ֆիլմը փառատոնում չի ցուցադրվելու, իսկ Գիբսոնը պետք է պարգևատրվի ընդհանրապես՝ կինեմատոգրաֆում կատարած իր բազմամյա գործունեության համար:
Մել Գիբսոնը չեխական Բոհեմիայի մարզի այս հանգստավայր էր ժամանել նշանավոր միջազգային կինոփառատոնի«Ոսկե գլոբուս» մրցանակը ստանալու համար: «Սա հենց այն է, ինչը ես միշտ ցանկանում էի... Սա հիանալի է»,- ընդունելով իր վաստակի այդ գնահատանքը՝ ասել է կինոգործիչը:
Դերասան, ռեժիսոր, սցենարիստ և պրոդյուսեր Մել Գիբսոնը ծնվել է1956թ.-ի հունվարի 3-ին՝ Նյու-Յորքում: Որպես ռեժիսոր նա առաջին անգամ հանդես է եկել 1993թ.-ին թողարկված «Մարդն առանց դեմքի» կինոնկարով: Իսկ նրա երկրորդ ՝ 1995թ.-ին թողարկված «Խիզախ սիրտը» ֆիլմը, որը նվիրված է շոտլանդացիների ազգային ազատագրական պայքարին, ճանաչվել է տարվա լավագույն կինոնկար և արժանացել 2 «Օսկար»-ի:
2004թ.-ին որպես պրոդյուսեր, սցենարիստ և ռեժիսոր Գիբսոնը հանդես եկավ «Քրիստոսի տանջանքները» ֆիլմով՝ փորձելով վերարտադրել Հիսուսի երկրային կյանքի վերջին 12 ժամերը: Նրա այս աշխատանքի նկատմամբ քննադատների ու հասարակության արձագանքը մինչև այսօր էլ շատ հակասական է:
Չեխիայի հրեաների բողոքի շարժառիթը Գիբսոնի 10 տարի առաջ նկարահանած «Քրիստոսի տանջանքները» ֆիլմն է , որը, ըստ ցույցի մասնակիցների, նպաստել է աշխարհում հակասեմիթական կրքերի բորբոքմանը:
Փառատոնի կազմակերպիչները հրեական համայնքի ներկայացուցիչների բողոքն ընդունել են ի գիտություն, բայց միաժամանակ հայտարարել, որ այդ ֆիլմը փառատոնում չի ցուցադրվելու, իսկ Գիբսոնը պետք է պարգևատրվի ընդհանրապես՝ կինեմատոգրաֆում կատարած իր բազմամյա գործունեության համար:
Մել Գիբսոնը չեխական Բոհեմիայի մարզի այս հանգստավայր էր ժամանել նշանավոր միջազգային կինոփառատոնի«Ոսկե գլոբուս» մրցանակը ստանալու համար: «Սա հենց այն է, ինչը ես միշտ ցանկանում էի... Սա հիանալի է»,- ընդունելով իր վաստակի այդ գնահատանքը՝ ասել է կինոգործիչը:
Դերասան, ռեժիսոր, սցենարիստ և պրոդյուսեր Մել Գիբսոնը ծնվել է1956թ.-ի հունվարի 3-ին՝ Նյու-Յորքում: Որպես ռեժիսոր նա առաջին անգամ հանդես է եկել 1993թ.-ին թողարկված «Մարդն առանց դեմքի» կինոնկարով: Իսկ նրա երկրորդ ՝ 1995թ.-ին թողարկված «Խիզախ սիրտը» ֆիլմը, որը նվիրված է շոտլանդացիների ազգային ազատագրական պայքարին, ճանաչվել է տարվա լավագույն կինոնկար և արժանացել 2 «Օսկար»-ի:
2004թ.-ին որպես պրոդյուսեր, սցենարիստ և ռեժիսոր Գիբսոնը հանդես եկավ «Քրիստոսի տանջանքները» ֆիլմով՝ փորձելով վերարտադրել Հիսուսի երկրային կյանքի վերջին 12 ժամերը: Նրա այս աշխատանքի նկատմամբ քննադատների ու հասարակության արձագանքը մինչև այսօր էլ շատ հակասական է: