Կոմիտասի անվան զբոսայգում բացվեց Կոմիտասի թանգարան-ինստիտուտը 01.30.2015
2015թ.-ի հունվարի 29-ին Երևանում հանդիսավորությամբ բացվեց հայ դասական երաժշտության հիմնադիր Կոմիտասի թանգարան-ինստիտուտը:
Նոր մշակութային գիտահետազոտական հաստատությունը նախատեսված է ոչ միայն Կոմիտասի ու նրա գործունեությունը 135 մշտական ցուցանմուշներով հանրությանը ներկայացնելու, այլև ակտիվ գործունեություն իրականացնելու համար:
«Կոմիտասը Հայաստանում ուզում էր իր հասցեն և , փառք աստծո, այս թանգարանն ամփոփում է մեր բոլոր իղձերը մեծ երևույթի՝ Կոմիտասի հետ»,- նոր մշակութային հաստատության բացման առթիվ ասել է ՀՀ մշակույթի նախարար Հասմիկ Պողոսյանը:
Կոմիտասի թանգարան-ինստիտուտը անկախ Հայաստանում կառուցված առաջին համանման հաստատությունն է: Այն կառուցվել է «Փյունիկ» մարդկային ռեսուրսների զարգացման համահայկական և «Լույս» հիմնադրամների ֆինանսավորմամբ:
«Կոմիտաս վարդապետի թանգարան-ինստիտուտը կբերի որոշակի որակական փոփոխություն և մեր մտածողության մեջ և մեր մշակութային զգացողությունների մեջ, որ վերջին ժամանակներս բավականին խարխլված է»,- ասել է նոր կառույցի գլխավոր ճարտարապետ Արթուր Մեսչյանը
Նրա մտահղացմամբ կառույցն ունի նաև անհրաժեշտ տարածքներ տարբեր միջոցառումներ կազմակերպելու և անցկացնելու համար՝ կա համերգասրահ, մշտական ցուցադրությանը զուգահեռ ժամանակավոր ցուցահանդեսներ կազմակերպելու հնարավորություն,: Բացի այդ, թանգարանի շրջանակներում գործունեություն կծավալի գիտահետազոտական կենտրոնը, երաժշտական ստուդիան, գրադարանը, հրատարակչությունը:
Կոմիտասի թանգարան-ինստիտուտի բացմանը ներկա են եղել ՀՀ նախագահ Սերժ Սարգսյանը, Ամենայն հայոց կաթողիկոս Գարեգին Բ-ն և Մեծի տան Կիլիկիո կաթողիկոս Արամ Ա-ն:
Նոր մշակութային գիտահետազոտական հաստատությունը նախատեսված է ոչ միայն Կոմիտասի ու նրա գործունեությունը 135 մշտական ցուցանմուշներով հանրությանը ներկայացնելու, այլև ակտիվ գործունեություն իրականացնելու համար:
«Կոմիտասը Հայաստանում ուզում էր իր հասցեն և , փառք աստծո, այս թանգարանն ամփոփում է մեր բոլոր իղձերը մեծ երևույթի՝ Կոմիտասի հետ»,- նոր մշակութային հաստատության բացման առթիվ ասել է ՀՀ մշակույթի նախարար Հասմիկ Պողոսյանը:
Կոմիտասի թանգարան-ինստիտուտը անկախ Հայաստանում կառուցված առաջին համանման հաստատությունն է: Այն կառուցվել է «Փյունիկ» մարդկային ռեսուրսների զարգացման համահայկական և «Լույս» հիմնադրամների ֆինանսավորմամբ:
«Կոմիտաս վարդապետի թանգարան-ինստիտուտը կբերի որոշակի որակական փոփոխություն և մեր մտածողության մեջ և մեր մշակութային զգացողությունների մեջ, որ վերջին ժամանակներս բավականին խարխլված է»,- ասել է նոր կառույցի գլխավոր ճարտարապետ Արթուր Մեսչյանը
Նրա մտահղացմամբ կառույցն ունի նաև անհրաժեշտ տարածքներ տարբեր միջոցառումներ կազմակերպելու և անցկացնելու համար՝ կա համերգասրահ, մշտական ցուցադրությանը զուգահեռ ժամանակավոր ցուցահանդեսներ կազմակերպելու հնարավորություն,: Բացի այդ, թանգարանի շրջանակներում գործունեություն կծավալի գիտահետազոտական կենտրոնը, երաժշտական ստուդիան, գրադարանը, հրատարակչությունը:
Կոմիտասի թանգարան-ինստիտուտի բացմանը ներկա են եղել ՀՀ նախագահ Սերժ Սարգսյանը, Ամենայն հայոց կաթողիկոս Գարեգին Բ-ն և Մեծի տան Կիլիկիո կաթողիկոս Արամ Ա-ն: