Ռեժիսոր Սոկուրովի նամակը ռեժիսոր Մոգուչիին թատրոնից դուրս թողնելու վերաբերյալ04.14.2023
Ռուսաստանի մշակույթի նախարարությունը աշխատանքային պայմանագիրը չի թարմացրել Սանկտ֊Պետերբուրգի Մեծ դրամատիկական թատրոնի գեղարվեստական ղեկավար Անդրեյ Մոգուչիի հետ։ Դա նշանակում է, որ նախորդ աշխատանքային պայմանագրի ժամկետը լրանալուց հետո հայտնի ռեժիսորը մնում է այդ թատրոնի հաստիքացուցակից դուրս։ Այդ մասին ռուսական լրատվամիջոցների հաղորդագրություններում տեղեկացվում է, որ պետերբուրգյան հայտնի պետական թատրոնը անցնում է նոր կառավարման համակարգի և այն գլխավորելու է ներկայիս տնօրենը։
Մոգուչիին թատերախմբից հեռացնելու այս իրողությունը միանշանակ չի ընկալվել ռուսաստանցի մտավորականության շրջանում։ Դա է վկայում, օրինակ, օրերս աշխարհահռչակ ռեժիսոր Ալեքսանդր Սոկուրովի հրապարակած բաց նամակը, որտեղ նա իր օժանդակությունն է հայտնել Անդրեյ Մոգուչիին՝ նրա հետ աշխատանքային պայմանագիրը չթարմացնելու մասին ՌԴ մշակույթի նախարարության որոշումը համարելով քաղաքական քայլ։
«Թագլուրը» ներկայացնում է նամակից մի քանի մեջբերում։
«Սանկտ Պետերբուրգի կինոյի և հեռուստատեսության ինստիտուտի ջախջախումից հետո կրկին վատ լուրեր են ստացվում Ռուսաստանի այսպես կոչված մշակութային մայրաքաղաքից։ Աշխատանքից ազատվել է Մեծ դրամատիկական թատրոնի գեղարվեստական ղեկավար, Սանկտ Պետերբուրգում հարգված անձնավորություն Անդրեյ Անատոլևիչ Մոգուչին։ Մեր փոքրիկ և շատ առումներով արդեն գավառական քաղաքի համար չափազանց կարևոր այս թատրոնում իսկապես ծառայում էր հոյակապ ռեժիսոր, ղեկավար, վարպետ։ Անդրեյ Անատոլևիչին հաջողվեց շատ բան անել թատրոնի համար. նա վճռականորեն թարմացրեց խաղացանկը, ինքն էլ հիանալի ներկայացումներ բեմադրեց, իսկ մյուս բեմադրիչներին աշխատանք տվեց։ Վերջին երկու տարիներին թատրոնն ամբողջությամբ լցված էր։ Եկել էին բազմաթիվ երիտասարդ հանդիսատեսներ։ Ավելորդ է ասել, որ ֆինանսական ցուցանիշները գերազանց էին։ Նա հիմնարար ծրագրեր ուներ այս թատրոնի զարգացման համար ...
Կարծում եմ, որ սա բացարձակապես քաղաքական որոշում է, և, հետևաբար, հատկապես վտանգավոր Սանկտ Պետերբուրգի մշակութային կյանքի և զարգացման համար։ Մշակույթի ոլորտում ցանկացած վարչական որոշում կայացնելիս ցանկացած քաղաքական մոտիվացիա հանգեցնում է կործանարար և անդառնալի հետևանքների մշակույթի մարդկանց մեջ, երիտասարդական միջավայրում, մարդասիրական միջավայրում։ Նման որոշումը հերթական անգամ վարկաբեկում է հենց պետությանը․․․
Համաձայն եմ, սա միամիտ մտածողություն է։ Ռազմական գործողություն իրականացնող պետությունն արդյո՞ք կարող է մտածել ապագա սերնդի, ազգային մշակույթի պահպանման, կրթական գործընթացի որակի մասին․․․
․․․ Տե՛ր աստված, հիշեք, թե քանի՞ այդպիսի մարդկանց է ոչնչացրել ու ոտնահարել ռուսական պետությունը իր «հաղթական» պատմական երթի ընթացքում․․․
․․․Որպես քաղաքի բնակիչ, որպես ռեժիսոր՝ խորապես ափսոսում եմ կատարվածի համար։ Ինձ անհանգստացնում է իմ գործընկերոջ՝ գերազանց ռեժիսոր և ուսուցիչ Անդրեյ Անատոլևիչ Մոգուչիի ճակատագիրը։
Որպես կինոյի և կրթության արհեստավոր՝ ես հուսահատ անհանգստությամբ հետևում եմ, թե ինչ է կատարվում մեզ հետ․․․»
Այս թեմայով այլ հղումներ-1
Ռուսաստանի մշակույթի նախարարությունը աշխատանքային պայմանագիրը չի թարմացրել Սանկտ֊Պետերբուրգի Մեծ դրամատիկական թատրոնի գեղարվեստական ղեկավար Անդրեյ Մոգուչիի հետ։ Դա նշանակում է, որ նախորդ աշխատանքային պայմանագրի ժամկետը լրանալուց հետո հայտնի ռեժիսորը մնում է այդ թատրոնի հաստիքացուցակից դուրս։ Այդ մասին ռուսական լրատվամիջոցների հաղորդագրություններում տեղեկացվում է, որ պետերբուրգյան հայտնի պետական թատրոնը անցնում է նոր կառավարման համակարգի և այն գլխավորելու է ներկայիս տնօրենը։
Մոգուչիին թատերախմբից հեռացնելու այս իրողությունը միանշանակ չի ընկալվել ռուսաստանցի մտավորականության շրջանում։ Դա է վկայում, օրինակ, օրերս աշխարհահռչակ ռեժիսոր Ալեքսանդր Սոկուրովի հրապարակած բաց նամակը, որտեղ նա իր օժանդակությունն է հայտնել Անդրեյ Մոգուչիին՝ նրա հետ աշխատանքային պայմանագիրը չթարմացնելու մասին ՌԴ մշակույթի նախարարության որոշումը համարելով քաղաքական քայլ։
«Թագլուրը» ներկայացնում է նամակից մի քանի մեջբերում։
«Սանկտ Պետերբուրգի կինոյի և հեռուստատեսության ինստիտուտի ջախջախումից հետո կրկին վատ լուրեր են ստացվում Ռուսաստանի այսպես կոչված մշակութային մայրաքաղաքից։ Աշխատանքից ազատվել է Մեծ դրամատիկական թատրոնի գեղարվեստական ղեկավար, Սանկտ Պետերբուրգում հարգված անձնավորություն Անդրեյ Անատոլևիչ Մոգուչին։ Մեր փոքրիկ և շատ առումներով արդեն գավառական քաղաքի համար չափազանց կարևոր այս թատրոնում իսկապես ծառայում էր հոյակապ ռեժիսոր, ղեկավար, վարպետ։ Անդրեյ Անատոլևիչին հաջողվեց շատ բան անել թատրոնի համար. նա վճռականորեն թարմացրեց խաղացանկը, ինքն էլ հիանալի ներկայացումներ բեմադրեց, իսկ մյուս բեմադրիչներին աշխատանք տվեց։ Վերջին երկու տարիներին թատրոնն ամբողջությամբ լցված էր։ Եկել էին բազմաթիվ երիտասարդ հանդիսատեսներ։ Ավելորդ է ասել, որ ֆինանսական ցուցանիշները գերազանց էին։ Նա հիմնարար ծրագրեր ուներ այս թատրոնի զարգացման համար ...
Կարծում եմ, որ սա բացարձակապես քաղաքական որոշում է, և, հետևաբար, հատկապես վտանգավոր Սանկտ Պետերբուրգի մշակութային կյանքի և զարգացման համար։ Մշակույթի ոլորտում ցանկացած վարչական որոշում կայացնելիս ցանկացած քաղաքական մոտիվացիա հանգեցնում է կործանարար և անդառնալի հետևանքների մշակույթի մարդկանց մեջ, երիտասարդական միջավայրում, մարդասիրական միջավայրում։ Նման որոշումը հերթական անգամ վարկաբեկում է հենց պետությանը․․․
Համաձայն եմ, սա միամիտ մտածողություն է։ Ռազմական գործողություն իրականացնող պետությունն արդյո՞ք կարող է մտածել ապագա սերնդի, ազգային մշակույթի պահպանման, կրթական գործընթացի որակի մասին․․․
․․․ Տե՛ր աստված, հիշեք, թե քանի՞ այդպիսի մարդկանց է ոչնչացրել ու ոտնահարել ռուսական պետությունը իր «հաղթական» պատմական երթի ընթացքում․․․
․․․Որպես քաղաքի բնակիչ, որպես ռեժիսոր՝ խորապես ափսոսում եմ կատարվածի համար։ Ինձ անհանգստացնում է իմ գործընկերոջ՝ գերազանց ռեժիսոր և ուսուցիչ Անդրեյ Անատոլևիչ Մոգուչիի ճակատագիրը։
Որպես կինոյի և կրթության արհեստավոր՝ ես հուսահատ անհանգստությամբ հետևում եմ, թե ինչ է կատարվում մեզ հետ․․․»
Այս թեմայով այլ հղումներ-1
.jpg)
